Հոնկոնգի ներքին գործերի բյուրոյի ղեկավար Կասպար Սույը (Սու Ինվեյ) երկուշաբթի օրը հրաժարական է տվել՝ COVID-19 համաճարակի ֆոնին վիճահարույց երեկույթին մասնակցելուց հետո: Հունվարի սկզբին Հոնկոնգում մեծ աղմուկ բարձրացավ բարձրաստիճան պաշտոնյա Ուիթման Հոնգի ծննդյան օրվա կապակցությամբ, որը Հոնկոնգից Ազգային Ժողովրդական Կոնգրեսի (NPC) պատվիրակ է։ Լայնածավալ տոնակատարությանը, որը տեղի է ունեցել քաղաքի ռեստորաններից մեկում, ներկա է եղել առնվազն 170 հյուր։ Հյուրերի թվում, մասնավորապես, եղել են Օրենսդիր խորհրդի առնվազն 20 նորընտիր անդամներ, ինչպես նաև Հոնկոնգի ներքին գործերի բյուրոյի ղեկավարը։ Տոնակատարությունը տեղի էր ունեցել Հոնկոնգում համաճարակաբանական իրավիճակի վատթարացման ֆոնին, որն առաջացրել էր հասարակության և իշխանությունների բուռն արձագանքը։
