Եվրահանձնաժողովի ղեկավար Ուրսուլա ֆոն դեր Լեյենը մեկնաբանելով Հունգարիայի վարչապետ Վիկտոր Օրբանի Մոսկվա կատարած վերջին այցը, հայտարարել է որ Եվրոպան Հունգարիայի համար ավելի կարևոր է, քան Ռուսաստանի Դաշնությունը։ Բացասաբար պատասխանելով այն հարցին, թե արդյոք Եվրոպական միասնությունը խախտված է։ «Հունգարիան դեռ աջակցում է բոլոր պատժամիջոցներին: Բացի այդ, Եվրոպան Հունգարիայի համար ավելի կարևոր է, քան Ռուսաստանը»,- ասել է ֆոն դեր Լեյենը Handelsblatt թերթին տված հարցազրույցում։ Այս շաբաթ Մոսկվայում կայացել են Ռուսաստանի նախագահ Վլադիմիր Պուտինի և Հունգարիայի վարչապետ Վիկտոր Օրբանի բանակցությունները։ Հանդիպումն անցել է ավանդաբար կառուցողական և գործնական մթնոլորտում, հայտարարել էր Վլադիմիր Պուտինը։
