ՀՀ փոխվարչապետ Մհեր Գրիգորյանն այսօր լրագրողների հետ ճեպազրույցում հայտնել է, որ տրանսպորտային կապերի ապաշրջափակման առնչությամբ այս պահին ավելի շատ իրականացվում է փորձագիտական աշխատանք։
Նրա խոսքով. «Իրականության մեջ առնվազն այս պահի և ամենաբարձր մակարդակով՝ երկաթգծի հետ կապված կա փոխըմբռնում, և դա հաստատված է հայտարարություններով: Կարծում եմ՝ դա շատ պոզիտիվ առաջընթաց է»:
Փոխվարչապետը նշել է, թե այս պահին իրականացվում է փորձագիտական աշխատանք, դրա արդյունքներով հետագա հանդիպումների մասին լրացուցիչ կտեղեկացվի. «Երկաթգիծն արդեն իսկ կառուցողական գործ է, որովհետև այս փուլում մեր աշխատանքային խումբն իրականացնում է աշխատանքներ, որոնք շատ կոնկրետ նպատակ են հետապնդում: Դա երկթագծի կառուցումն է այն հատվածների, որոնք Հայաստանինն են»:
