44-օրյա պատերազմում զոհված զինծառայողների հարազատների փաստաբան Վահան Հովհաննիսյանն այսօր տեղեկացրել է, որ դատախազն իրենց միջնորդության հիման վրա ցուցում է տվել նախաքննական մարմին՝ քրեական գործով հարցաքննել նաև վարչապետ Նիկոլ Փաշինյանին։
«Իսկ թե երբ կլինի հարցաքննությունը, պարզ չէ, քանի որ քննիչն ինքն է որոշում գործողությունների հերթականությունը։ Դատախազի կողմից տուժողի իրավահաջորդ է ճանաչվել 27 անձ, ևս 15-ի վերաբերյալ մենք ենք միջնորդություն ներկայացրել»,- ասել է փաստաբանը։
Radar Armenia-ն մեկնաբանությունների համար դիմեց ՀՀ գլխավոր դատախազի խորհրդական Գոռ Աբրահամյանին, որը նշեց. «Դրա հետ կապված փաստաբանին գրավոր պատասխան է տրվել»։
Նշենք, որ այսօր զոհվածների ծնողները հավաքվել էին դատախազության մոտ։
