Քաղաքական
«Իշխանության վախերն արտահայտվում են մեր ընկերներին ձերբակալել փորձելով». Գեղամ Մանուկյան
ՀՀ Հակակոռուպցիոն կոմիտեն օրերս տեղեկացրեց, որ բացահայտվել են ՀՅԴ անդամների կողմից 2021թ. անցկացված ԱԺ և ՏԻՄ ընտրությունների ընթացքում ընտրակաշառք տալու, ստանալու դեպքեր։
Ըստ Հակակոռուպցիոն կոմիտեի՝ «Կատարված խուզարկությամբ 2022թ. մայիսի 6-ին ՀՅԴ կուսակցության Արմավիրի տարածքային մարմնի ղեկավար Ա. Մ.-ի բնակության վայրում հայտնաբերվել են ձեռագիր գրառումներով նոթատետրեր, որոնք բովանդակել են 2021 թվականին տեղի ունեցած Ազգային ժողովի և տեղական ինքնակառավարման մարմինների ընտրությունների ժամանակ ընտրողներին տարբեր չափերի կաշառք տալու վերաբերյալ տեղեկություններ»:
ՀՅԴ անդամ, ԱԺ «Հայաստան» խմբակցության պատգամավոր Գեղամ Մանուկյանը, Radar Armenia-ի հետ զրույցում անդրադառնալով Հակակոռուպցիոն կոմիտեի հայտարարությանը, նշեց. «Իշխանության վախերն արտահայտվում են մեր ընկերներին ձերբակալել փորձելով, բայց պետք է շատ վաղուց մեզ ճանաչած լինեին և հասկանային, որ բանտարկությամբ որևէ մեկին չեն վախեցնի»։
