Քաղաքական
««ՔՊ» խմբակցությունը վարչապետի գլխավորությամբ ընդդիմության հետ կարող է քննարկել միայն թալանը անցնցում վերադարձնելու տարբերակը». Բադալյան
ԱԺ «Քաղաքացիական պայմանագիր» խմբակցության պատգամավոր Լուսինե Բադալյանն այսօր ԱԺ արտահերթ նիստում անդրադարձավ ընդդիմության գործելաոճին, մասնավորապես հայտարարությանը, թե ժամը 12.00-ից կաթվածահար է անելու Երևանը։
Պատգամավորը պահանջեց՝ ընդդիմությունը մի քանի հարցի պատասխանի՝ որն է նպատակը, որ վարչապետին մեղադրում են պատերազմի համար, արդյոք դրանով ուզում են աշխարհին ասել, որ Ադրբեջանը բացարձակապես կապ չունի՞ պատերազմ սանձազերծելու հետ, ինչպես են պատկերացնում հարևանների հետ հարաբերությունները, ով է ընդդիմության վարչապետի թեկնածուն, ինչ է լինելու Արցախի հետ:
Լուսինե Բադալյանի խոսքով՝ ընդդիմությունը հանրության մեջ փորձում է տեղեկություններ տարածել, որ վարչապետը պատրաստվում է հրաժարական տալ կամ անցնցում հեռանալու տարբերակներ է քննարկում. ««Քաղաքացիական պայմանագիր» խմբակցությունը՝ ՀՀ վարչապետի գլխավորությամբ, ձեզ հետ կարող է քննարկել միայն թալանը անցնցում վերադարձնելու տարբերակը, մնացած տարբերակները քննարկելի չեն»։
