Քաղաքական
«Հնարավոր լուծումն այն է, որ Հայաստանի անկլավը մնում է Ադրբեջանին, Ադրբեջանի անկլավները՝ Հայաստանին». Ա. Գրիգորյան
Անվտանգության խորհրդի քարտուղար Արմեն Գրիգորյանը հայտարարել է, թե մինչև այս պահը Հայաստանն ու Ադրբեջանն անկլավների հարց չեն քննարկել:
Լրագրողների հետ ճեպազրույցում Գրիգորյանը նշել է՝ ընդդիմության այն պնդումները, թե վտանգ կա անկլավները Ադրբեջանին հանձնելու մասով, անհիմն են և աղերս չունեն իրականության հետ։
Ըստ Գրիգորյանի. «Մինչև այս պահն անկլավների հարց չի բարձրացվել: Կարելի է ասել, որ երկու կողմից էլ անկլավ կա, և դրանց տարածքները գրեթե հավասար են, երկու կողմն էլ լուռ է այս հարցում և այն դեռևս չի քննարկվել: Մեր հույսն այն է և հնարավոր լուծման տարբերակն այն է, որ Հայաստանի անկլավը թողնվում է Ադրբեջանին, Ադրբեջանի անկլավները, որոնք Հայաստանի տարածքում են, մնում են Հայաստանին: Իհարկե, կա այսպիսի հարց, թե ինչպես են դրանք առաջացել, որոնք շարունակում ենք ուսումնասիրել, բայց ընդհանուր երկարաժամկետ տարբերակը սա է»։
