Հանրապետության նախագահը հետևում է Հայաստանում ընթացող բոլոր գործընթացներին,- այս մասին Radar Armenia-ի հարցմանն ի պատասխան տեղեկացրել են ՀՀ նախագահի աշխատակազմից։
Խնդրել էինք ներկայացնել, թե Նախագահն ի՞նչ դիրքորոշում ունի ընդդիմության գործողությունների վերաբերյալ և արդյո՞ք պատրաստվում է իշխանության և ընդդիմության միջև երկխոսության համար միջնորդ հանդիսանալ՝ լարվածության հետագա խորացումից խուսափելու եւ ելքեր գտնելու համար։
Նախագահականից այս կապակցությամբ հայտնել են. «Առանձին դեպքերում՝ դրանց արձագանքելու կամ դիրքորոշում ներկայացնելու պարագայում համապատասխան հրապարակայնությունը կապահովվի»:
