Ժամը 14։00-ի դրությամբ ոստիկանություն բերման է ենթարկել այսօրվա բողոքի ցույցերի մասնակից 244 անձ։
Ոստիկանության լրատվության վարչությունից Radar Armenia-ն տեղեկացավ, որ քաղաքացիները բերման են ենթարկվել ՀՀ վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողների օրինական պահանջը չկատարելու համար։
Հիշեցնենք՝ այսօր առավոտից մայրաքաղաքում ընդդիմադիրները բողոքի ակցիաներ են իրականացրել՝ փակելով մի շարք փողոցներ և այդպես խաթարելով երթևեկությունը։
