Ընդդիմադիր ակտիվիստները իրազեկման ակցիաներ են իրականցնում նաև Հայաստանի մի շարք համալսարաններում: Radar Armenia-ի հետ զրույցում Երևանի պետական համալսարանից հայտնեցին, որ երկրում տիրող ներքաղաքական իրադրությունը որևէ կերպ չի խոչընդոտում բուհում դասապրոցեսի բնականոն ընթացքին։
ԵՊՀ-ի մամուլի խոսնակ Ազնիվ Գրիգորյանը հայտնեց, որ բողոքի որևէ ակցիա, ընդվզման գործողություն կամ, առհասարակ, լարված մթնոլորտ չկա համալսարանում։
Նրա խոսքով՝ ԵՊՀ ուսանողները, որոնք ի սկզբանե կապ չեն ունեցել գործողությունների հետ, շարունակում են հաճախել դասերին. «ԵՊՀ-ում դասապրոցեսն ընթանում է բնականոն հունով»։
Հարցին, թե ԵՊՀ ռեկտոր Հովհաննես Հովհաննիսյանը պատրաստվու՞մ է հանդիպել ցուցարարների հետ, պատասխանեց. «Ներկա պահին ԵՊՀ ռեկտորը գործուղման է և վերադառնալուց հետո կանդրադառնա այս հարցին»։
