Քաղաքական
«Բանակցությունների բովանդակության մասին տեղյակ եմ պահել ԼՂ նախագահին». Փաշինյան
ՀՀ վարչապետ Նիկոլ Փաշինյանը Կառավարության նիստին կարևորեց ԼՂ անվտանգության ապահովումը, որի առանցքային բաղկացուցիչ է Լաչինի միջանցքի անխափան և անարգել գործունեությունը. «Այս առումով՝ ԼՂ-ում ՌԴ խաղաղապահ զորախմբի ներդրումն անուրանալի է, մյուս կողմից՝ մի շարք դրվագներում տեսնում ենք խաղաղապահների գործունեության արդյունավետությունը բարձրացնելու անհրաժեշտություն»։
Նրա խոսքով՝ ադրբեջանական ստորաբաժանումների ներխուժումը ԼՂ-ում ՌԴ խաղաղապահ զորախմբի պատասխանատվության գոտի՝ Փառուխի հատված, չափազանց անհանգստացնող փաստ է, որն էական է՝ իրադրության ընդհանուր գնահատման տեսանկյունից. «Հույս ունենք՝ ԼՂ-ում ՌԴ խաղաղապահ զորախումբը կապահովի ադրբեջանական ստորաբաժանումների լիարժեք տարբաժանումը»։
Փաշինյանի խոսքով՝ ԼՂ հիմնախնդրի կարգավորմանն առնչվող մոսկովյան բանակցությունների բովանդակության մասին աշխատանքային կարգով տեղյակ է պահել ԼՂ նախագահին։ Վարչապետը նշեց, որ այսպես վարվել է ՌԴ-ում, Եվրոպայում, ՀՀ-ում տեղի ունեցած բանակցություններից, քննարկումներից հետո, իսկ ԼՂ նախագահն այդ արդյունքները ներկայացրել է Արցախի քաղաքական վերնախավին։ Այդ գործելակեպը, նրա խոսքով, շարունակվելու է միշտ։
