Հանրապետության նախագահի կարևորագույն նպատակն է՝ հետևել Սահմանադրության պահպանմանը. ի պատասխան Radar Armenia-ի հարցման՝ տեղեկացրել են ՀՀ Նախագահի աշխատակազմից։
Խորհրդարանական ընդդիմությունը հայտարարել է ցանցային ապակենտրոն պայքար մղելու մասին։ Բացի այդ՝ մի քանի օր է, ինչ ԱԺ «Պատիվ ունեմ» խմբակցության ղեկավար Արթուր Վանեցյանն անժամկետ ակցիաներ է սկսել Ազատության հրապարակում՝ միաժամանակ նշելով, որ ապրիլի 25-ից արդեն կանցնեն ակտիվ գործողությունների։
Radar Armenia-ն փորձել է այս կապակցությամբ ճշտել ՀՀ նախագահ Վահագն Խաչատուրյանի դիրքորոշումը և հետաքրքրվել՝ արդյո՞ք նախագահը պատրաստվում է իշխանության և ընդդիմության միջև երկխոսության միջնորդ հանդիսանալ։
Նախագահականից այս կապակցությամբ նշել են, որ «Նախագահը պատրաստ է նախագահական ինստիտուտը դարձնել երկրում ստեղծված խնդիրների լուծման ուղիներ գտնելու հարթակ և նպաստել փոխընդունելի լուծումներ գտնելուն»։
