Ադրբեջանի ԱԳՆ-ն շինծու է անվանել Հայաստանի արտգործնախարարության հայտարարությունը՝ ԼՂ-ում տիրող իրավիճակի վերաբերյալ։
Բաքվում նշել են, որ «ինքնիշխան ադրբեջանական տարածքների մասին մեկնաբանություններն Ադրբեջանի ներքին գործերին միջամտելու փորձ են և միջազգային իրավունքի խախտում»։
«Հայաստանը, «կեղծ մեղադրանքներով դիմելով միջազգային հանրությանը», պետք է հասկանա, որ տարածաշրջանում խաղաղության և կայունության ապահովումը կախված է միայն եռակողմ հռչակագրի բոլոր դրույթների անվերապահ կատարումից: «Հայաստանի կողմից ձեռնարկված բոլոր մյուս քայլերը, որոնք հակասում են համատեղ հայտարարությանը», միայն կխոչընդոտեն խաղաղության կառուցման գործընթացին»,- ասվում է հայտարարությունում։
